Парисын Луврын музейн захирал Лоренс де Карс өнгөрсөн амралтын өдрүүдэд болсон өдрийн цагаар үйлдэгдсэн үнэт титэм эдлэлийн хулгайн дараа “аймшигт алдаа” гарсан гэдгээ хүлээн зөвшөөрч,
өөрийн албан тушаалаас огцрох санал гаргасан боловч уг саналын нь хүлээн авахгүй гэж мэдэгдлээ.
Дэлхийн хамгийн олон хүн үздэг уг музей нь энэ зууны хамгийн зоригтой, цар хүрээтэй хулгайгаас хойш анх удаа Луврын шилэн пирамидын доор урт дараалал үүссэн байдлаар өнөө өглөө дахин нээгдэв.
Францын Сенатын өмнө өгсөн мэдүүлэгтээ музейн захирал Лоренс де Карс тус дурсгалт байгууламжийн гадна талд хяналтын камер дутмаг, мөн хулгайчууд камерын харахгүй өнцөг ашигласан байсан нь ням гарагийн хулгайгаар илэрсэн болон бусад “сул талууд”-ыг хүлээн зөвшөөрсөн байна.
Францын нэр хүндэд сөргөөр нөлөөлсөн энэ хулгайн дарамт шахалтын дор тэрээр Сенатын хороонд өөрийн огцрох өргөдлөө өгсөн боловч Соёлын сайд үүнийг хүлээн авахаас татгалзсан гэж мэдэгджээ.
“Өнөөдөр бид Луврт аймшигт алдааг туулж байна, үүнд би өөрийн хариуцлагын хувь нэмрийг бүрэн ухамсарлаж байна” гэж тэр хэлэв.
Хулгайчид нууцаар орж, гарч амжсан бөгөөд Францын үнэт титэм эдлэлийн найман эдлэлийг авч одсон нь зарим хүний хувьд 2019 онд Нотр-Дамын сүм шатсантай адил соёлын шарх гэж зүйрлэгдэж байна.